LAOAG CITY – Inpakaamo ti bise mayor ditoy siudad ti laoag nga adadda a mapatibker ti Lesbian, Gay, Bisexual, Transgender, Queer (or Questioning), Intersex, Asexual (LGBTQIA+) Community ditoy ciudad ti Laoag babaen iti “INDUCTION PROGRAM”.
Segun iti bise mayor, ti nasao a programa ket mangipaay ti gundaway para kadagiti LGBTQia+ Community nga ipakita dagiti karbengan dagitoy gapu ta dakkel ti maitulongda iti panagdur-as iti ekonomiya ken dadduma pay a sektor.
Inrakurak na a ditoy a nabukel iti “BEKS” Brilliance, Excellence, Kindness and Service, a maysa nga adbokasia a mangipakita iti agtultuloy a panagkikinammayet dagitoy.
Kunana nga ado dagiti miembro iti LGBTQia+ Community a maibabbaba gapu iti kinatao da isut gapuna a babaen iti nasao a programa ket maipaadal iti kaadwan a dagiti maseknan ket dakkel iti akem da iti komunidad .
Innayon na a babaen iti nasao a programa ket maisardeng ti diskriminasyon kontra kadagiti miembro ti LGBTQIA+ community ken masapul nga ipakita ken maipasagepsep iti panunot nga amin a tattao ket agpapada aniaman ti estado ti biag.
