LAOAG CITY – Binaliwan ti gobierno lokal ti nagan dagiti behikulo a manamnama a maibunong iti kada barangay ditoy ciudad t Laoag.
Segun ken ni Mayor James Bryan Alcid, ti orihinal nga awag kadagiti behikulo ket patient transport vehicle.
Nupay kasta, iti panangtingiting ti gobierno lokal ditoy ciudad ket naamiris da a ti patient transport vehicle ket mausar laeng kadagiti emerhersya wenno pannakaitaray iti ospital dagiti indibidual a nasken a maipaayan ti medikal nga atensyon.
Gapu iti daytoy, kuna ti mayor a masapol a masukatan ti nagan ti behikulo iti multipurpose vehicle tapno mausar ti dagiti barangay iti aniaman a banag wenno aktibidad, aglalo no adda ti emerhensiya, didigra, agitulod wenno agpick-up ken dadduma pay.
Maipalagip nga immunan nga inbatad ti mayor a kalikagom na a maikkan ti napinpintas a lugan dagiti barangay ditoy ciudad gapo ta saan na nga ipalubos a napinpintas ti behikulo ti sabali nga ili gapu ta maibilang ti Laoag City kas kabisera iti Ilocos Norte.
