LAOAG CITY – Kalikagom ti lokal a gobierno ditoy ciudad ti Laoag a makibinnulig iti third party para iti panagkolektar ti basura.
Segun kenni Ms. Mylene Pascual, ti mangidadaulo ti City Environment and Natural Resources a napintas ti gagem ni Mayor James Bryan Alcid gapo ta babaen iti daytoy ket pumintas ken al-alisto iti pannaka-akop dagiti basura tapno saan a maiwara.
Inbatad na a no kastoy ti agbalin a sitwasyon ket maaramid pay ti City Engineering dagiti dadduma a trabaho na kas iti kalikagom da a panagdalos iti kanal.
Maianaig iti daytoy, nagpanawagan kadagiti third party a no kalikagum da a sumrek iti katulagan iti City Government ket mangisubmitir da laeng ti project proposal iti opisina ti chief executive tapno maadal kenno makita a napintas para iti pnnakaaprobar na.
