LAOAG CITY – Naipaayan ti tulong ti lokal a gobierno ditoy siudad ti Laoag ti sinako a bagas ken instant noodles manipud iti Federation of Filipino-Chinese Chambers of Commerce and Industry – Ilocos Norte Chapter.
Naimatangan daytoy da Mayor Michael Marcos Keon kaduana dagiti dadduma pay nga opisial iti siudad ken ditoy probinsia.
Daytoy a tulong ket kas nayon a maipaay para kadagiti umili a naapektaran gapu iti Bagyo Julian.
Mainaig iti daytoy, nagturong met ti lokal a gobierno kadagiti maseknan a barangay kas ti Brgy. Metro Gabu, Brgy. Araniw, Brgy. Bengcag, Brgy. Cabungaan North ken Brgy. Cabungaan South para iti pannakaibunong kadagiti relief goods.
Kabayatanna, indanon ni Mayor Keon ti napalaos a panagyamanna iti City Social Welfare and Development Office ti sakripisioda a mangidanon dagiti tulong kadagiti maseknan a residente.
