LAOAG CITY – Nagballaag ti lokal a gobierno iti ili ti Solsona kadagiti umili nga agsakbay iti agtultuloy a panagtutudo na.
Segun ken ni Mayor Joseph De Lara, ado pay a bagyo ti possible a mapasaran rason a nagpalagip kadagiti tattao a saanen nga urayen a dumakkel ti danom sakbay nga agbakwit dagitoy.
Inpalagip na pay kadagiti addaan ti taraken nga isapsapa nga itakdang dagitoy tapno saan da a malmes wenno maiyanod no umadalem ken pumigsa ti danom.
Maipalagip a ti Solsona ti maysa kadagiti ili ditoy probinsia a nakapasar ti nakaro nga epekto ti naglabas a bagyo a nangitunda ti pannakadadael ti temporaryo a pagnaan dagiti residente iti Barangay Nalasin ken Lipay, ken naruay dagiti residente ti nagbakwit.
