LAOAG CITY – Naipaayan ti 20 ribu a pisos ti maysa a lakay iti ili ti Solsona kalpasan a naragpat na ti maikasanga-gasut a tawen na.
Daytoy ket paset ti programa iti lokal a gobierno kas pammigbig kadagiti senior citizen a makadanun iti centenarian year.
Segun ken ni Ms. Rosell Batara, mangidadaulo ti Municipal Disaster Risk Reduction and Management Office iti ili ti Solsona, ti nasao a centenarian ket ni Mr. Alfonso Vicente a residente iti Barangay Bagbago.
Kunana a malaksid iti cash incentive a naawat ti centenarian ket sabali pay iti maawat nan to manipod iti gobierno probinsial ken iti gobierno national.
Mainaig iti daytoy, inpakaammo ni Batara a naruayen dagiti senior citizens a naipaayan ti insentibo ken inpanamnama na nga agtultuloy ti suporta a maawat dagitoy manipod iti lokal a gobierno iti ili ti Solsona.
