Ballaigi a nabirukan ti Philippine National Police Sarrat ti dingwen a baka nga mapukpukaw iti Barangay 9 iti ili ti Sarrat.
Segun kenni Police Capt. Ashley Cacayorin, ti suspek ket naamoan a taga Barangay 8 ket adda inbaonna a taga Barangay 9 tapno ilako ti dingwen iti babaen ti buy-and-sell post iti social media.
Kinunana a nailako ti Php36,000 daytoy a saan nga ammo ti gimmatang a takaw ti ginatangda a baka ket nasarakan daytoy iti Barangay Capurictan iti ili ti Solsona.
Nupay kasta, silulukat nga mangi-subli ti gimmatang ti baka gapu ta saanna a kayat ti mairaman iti isiyu ti pannakapukaw ti nasao a dingwen.
Iti agdama, mannarimaan a maisagsagana ti kaso a maipila kontra ti agtatakaw ken ti inbaonna a mangilako ti dingwen.
Innayon pay ni Cacayorin a ti agtatakaw ket addaan ti naglabas a kasona ti barangay a nai-report iti PNP Sarrat.
Kabayatanna, kinunana a tapno malappedan ti panagtatakaw ket siguradoen ti kinatalged dagiti dingwen karaman payen dagiti mulmula.
