LAOAG CITY – Inrubuat ti Department of Health (DOH) ti panangrugi ti panagbakuna kadagiti ubbing kontra iti kamuras ken rubella iti intero a pagilian.
Iti abiso ti Department of Health, ti aktibidad nga addaan ti tema a “Ligtas Tigdas: Handa, BakunaDOH, ProtektadoDOH” ket naisayangkat iti Muntinlupa Sports Complex, Muntinlupa City.
Tampok iti aktibidad ti kari manipud kadagiti kabinnulig wenno partners iti panangipakita ti suporta ti Department of Health, local government units ken development partners para iti bakuna kontra iti kamuras ken rubella.
Naaddaan ti simboliko a panagbakuna iti pannakaisayangkat ti libre a panagbakuna.
Naiyestablisar pay ti booth a nangilawlawag ti kinapateg ti bakuna, vaccine safety ken umno nga impormasion.
