LAOAG CITY – Inrakurak ti Bureau of Fisheries and Aquatic Resources (BFAR) a dagiti sample ti nagian ti shellfish manipud idiay Leyte, Leyte ket nagpositibo iti makasabidong a red tide nga agtultuloy a makaap-apektar kadagiti lima a kabaybayan iti Eastern Visayas.
Naammoan a dagiti sample nga innala ti Bureau of Fisheries and Aquatic Resources ket nakitaan ti paralytic shellfish toxins rason a mairaman ti Leyte iti nailian a shellfish bulletin.
Karaman kadagiti baro a bulletin dagiti uppat a dadduma pay a lugar kas ti Daram Island iti Samar, Irong-Irong Bay iti Catbalogan City, Matarinao Bay iti Eastern Samar ken Biliran Island.
Naduktalan a positibo iti Pyrodinium bahamense, maysa a dinoflagellate nga agprod-produce kadagiti toxin ti red tide, ti seawater iti dua a sabali pay a bay iti Samar, ti San Pedro Bay ken dagiti kabaybayan ti Calbayog City.
