LAOAG CITY – Pinalusposanen ti PNP Laoag dagiti lima a tattao a natiliw kalpasan a naaktwan da nga agsusugal iti Barangay 33-A, Lapaz ditoy ciudad ti Laoag.
Daytoy ket kalpasan a nakapagpiyansa da iti 30 ribo a pisos ti tunggal maysa kadagitoy.
Nabigbig dagitoy a da Eric Asuncion y Antonio, agtawen ti 49, empleado iti INEC, naasawaan; John Jeric Natividad y Tayamen, agtawen ti 29, baro, tricycle driver; Raizer John Rebolledo y Coloma, agtawen ti 26, baro; Ralph Keneth Santillan y Reparejo, agtawen ti 25, baro ken ni Oliver Rebolledo Jr. Y Coloma, agtawen ti 31, make-up artist, agpapada amin dagitoy a residente iti nadakamat a barangay.
Maipalagip a nakumpiskar dagiti otoridad ti maysa a set ti innipis nga agmaris ti nalabbaga, P4,603.00 a taya, lima a tugaw, plastic cooler nga agmaris ti nalabbaga a nagserbi a lamisaan dagiti suspek ken maysa a t-shirt a pinagarpaw da iti nagsusugalan da.
