LAOAG CITY – Lima a rescuers ti natay iti flash flood iti Barangay Camias iti San Miguel, Bulacan, bayat ti iduduprak ti Bagyo Karding.
Basar iti report manipud iti Central Luzon regional police, dagiti lima a pimmusay ket nabigbig nga isuda Narciso Calayag, Jerson Resurecion, Marvy Bartolome, George Agustin ken Troy Justin Agusin.
Segun kenni Bulacan Governor Daniel Fernando, dagiti lima a personnel ti Provincial Disaster Risk Reduction and Management Office (PDRRMO) ket naiyanod gapo iti layos bayat ti pannakaiyuswat ti rescue operations.
Inbatad na nga adda pay ti maysa a tao ti mapukpukaw ken manarimaan ti pannakabirok daytoy.
Mainaig iti daytoy, kuna ti gobernador a dgaiti rescuers ket nagusar ti bangka kalpasan a naperdi ti truck da bayat nga agturong da iti misyon da, no sadinno gapo iti flash flood ket ti nag-collapsed ti pader nga isu ti rumrumuar a timmama kadakuada.
