LAOAG CITY – Nauram ti linya ti kuryente iti paset ti Barangay 16 ditoy ciudad ti Laoag.
Segun kenni Brgy. Chairman Jocelyn Samonte, nakita ti security guard ni Vice Mayor Rey Carlos Fariñas a nagrisak isut gapo na a dagus a nagayab ken tinawagan da ti Bureau of Fire Protection (BFP) gapo ta dimmakkel ti apoy.
Inbatad na nga alisto ti pannakasebseb ti apoy gapo iti panagtitinnulong dagiti maseknan.
Kuna ni Samonte a gapo iti daytoy ket nagpukaw ti kuryente iti nasao a barangay.
Naamoan a gapo iti daytoy ket nairaman pay a nauram ti liny ti telecommunications iti lugar.
Agpapan maisursurat ti damag manarimaan ti panangiplastar wenno panangikonektar ti Ilocos Norte Electric Cooperative ti kuryente. Kabayatanna, agtultuloy ti imbestigasyon ti Bureau of Fire Protection iti daytoy.
