LAOAG CITY – Inpakaammo ni Sagguniang Panlungsod Member Handy Lao, chairman ti committee on appropriations, a nagkiddaw ti lokal a gobyerno ditoy siudad iti gobyerno national ti suporta para iti COVID-19 response.
Umabot iti 39 a milyon a pisos ti makiddaw a pondo para iti kalikagum ti siudad kalpasan a naipasa ti resulosyon a mangiyendorsar ti listaan dagiti proyekto ken programa a mapondoan babaen ti local government support fund, financial assistance, a naiyataday iti General Appropriations Act 2021.
Kuna na a 10 a milyon a pisos ti mailatang para iti pannakagatang ti COVID-19 vaccine.
Inlawlawag na a 26 a ribo a doses ti pakpakauna a magatang para iti 13 a ribo a tattao.
Malaksid iti bakuna, adda pay dagiti magatang a PPEs, ken dadduma pay a masapul iti COVID-19 response.
