LAOAG CITY – Maysa nga agtawen iti 80 a former Playboy Magazine model ti nakagun-od ti world record gapu ta iti baet ti tawenna ket kabaelanna pay laaeng nga ag-abdominal planking.
Kinumpirmaran ti records keeping organization a Guinness World Records a ni Annie Judis ti baro a world record holder ti titulo nga “Oldest Person to Perform an Abdominal Plank (female)” gapu iti tawenna a 80 ket naaramidna pay laeng nga agehersisio iti planking posisyon.
Adu ti nangdayaw ti tawen ni Judis gapu ta kabaelanna pay laeng ti nasao a klase ti workout ngem idi ubing pay laeng daytoy ket adun dagiti mangdaydayaw kenkuana.
Usar ti screen name-na a “Jeannie Bell”, suki ti naisangsangayan a kinapintasna kadagiti beauty pageant ken dagiti magazines kas ti Playboy no sadinno ket nagbalin a cover girl isuna idi Oktubre 1969.
Malaksid iti daytoy, nagbalin nga aktres daytoy iti pelikula a Mean Streets ni Martin Scorsese.
Iti agdama, agsursurat isuna ti Children’s Book maipanggep iti panagusar ti skipping rope kas napintas nga ehersisio.
