LAOAG CITY – Pabor ti beterana nga aktres a ni Lotlot de Leon iti relasyon ti anak na a ni Janine Gutierrez ken ti aktor a ni Jericho Rosales.
Kas pammaneknek, saan laeng a basta aprubado ni Lotlot no di ket paspasig a pammadayaw ti irakrakurak na iti nobyo ti anak na ken inladawan na pay ti aktor kas “ wonderful man.”
Iti ibibisita ni Lotlot iti “Fast Talk with Boy Abunda”, naistorya na no kasanu na a naamoan ti relasyon da Janine ken Jericho.
Inrakurak ni Lotlot nga isuda ken ni Jericho ti immuna a nagkadwa iti trabaho ken naadal nan ti ugali ti aktor.
Innayon na nga adda metten iti umno a tawen ni Janine isut gapuna a saanen a kasapulan a dawaten na ti pammalubos na sakbay a sumrek iti maysa a relasyon.
Para ken ni Lotlot, ti napateg ket napadakkel na ti anak na a nasirib nga agaramid ti bukod a desisyon ken addaan ti nasayaat a panagpuspuso.
