LAOAG CITY – Kinumpirmaran ni Beverly Corpuz, lotto teller iti Brgy. 7B ditoy ciudad ti Laoag a naglukat dan ti Lotto Outlet da.
Inbatad na nga uray adda ti pammalubos ni Presidente Rodrigo Duterte iti pannakaisubli ti operasyon dagiti lotto ket saan da pay a makapataya gapu ta nagtalinaed a naka-offline ti koneksyon da.
Inpalgakna a saan na nga ammo no kaano nga adda ti koneksyon da.
Maipalagip nga inpasardeng ni Presidente Duterte dagiti amin a PCSO gambling operations itay kallabes gapo iti kurapsyon.
Kabayatanna, kunan a dagiti sumagmamano a mapan agtaya ti lotto ket ag-fill out-da lattan ti ticket bayat nga ur-urayen da ti panagsubli ti koneksyon.
