LAOAG CITY – Nakasagana ti Philippine National Police (PNP) iti posible a panangiparuk-at dagiti nayon nga arrest warrants manipud iti International Criminal Court (ICC) iti dadduma pay a personalidad iti Pilipinas.
Basar iti Philippine National Police, nagtalinaed a nakaalertoda ken makikokoordinar kadagiti kabinnulig a law enforcement agencies kas ti National Bureau of Investigation (NBI) ken dadduma pay nga ahensia kas panagsagsagana kadagiti posible a legal nga addang a mabalin nga agkasapulan ti agtipon nga operasion.
Inbatad ni Philippine National Police Chief General Jose Melencio Nartatez Jr. nga agtultuloy a maiyataday kadagiti addang ti nailian a pulisia iti due process.
Nadakamat nga inrakurak ni Palace Press Officer Undersecretary Claire Castro a kalikagum ti Malacañang nga insigida a maipatungpal dagiti International Criminal Court warrants.
Karaman kadagiti mataltalantan iti uneg ti law enforcement circles ti maipatpatungpal ken posible a tignay ti International Criminal Court kontra iti sumagmamano a public officials pakairamanan ni Senador Ronald “Bato” Dela Rosa a sumangsango iti maysa nga arrest warrant manipud iti International Criminal Court mainaig iti maipagarup a crimes against humanity.
Inpasigurado ti Philippine National Police a ti amin a tignayda ket agtalinaed a consistent iti standard operating procedures.
