LAOAG CITY – Nagserra ti Louvre museum idiay Paris kalpasan ti panagtatakaw.
Kinumpirmaran daytoy ni France’s Culture Minister Rachida Dati nga adda ti napasamak nga insidente iti maysa kadagiti maibilang a kalatakan a museo iti intero a lubong.
Inbatad ni Dati iti online account-na nga awan ti naipadamag a nadangran iti napasamak.
Kunana a manarimaan ti pannakikoordinarna kadagiti museum teams ken dagiti pulis para iti naun-uneg nga imbestigasion.
Mainaig iti daytoy, basar iti impormasion, adda ti tallo a lallaki a nakaabungot a simrek iti museo ken nagusar ti banag tapno makastrek iti Apollo Gallery.
Rumrummuar a dagiti tallo nga agtatakaw ket nangitugot ti chainsaw ken insigida a naglibas babaen ti scooter a tugotda dagiti siam a pedaso ti alahas.
Iti agdama, pinaserraan ti French police iti Louvre museum pakairamanan ti maysa a kangrunaan a kalsada iti paset ti riverbank a sangoanan ti museo.
