LAOAG CITY – Pormalen nga inbasura ti International Criminal Court (ICC) Appeals Chamber ti apela ni dati a Presidente Rodrigo Duterte a mangkarkarit iti jurisdiction ti international tribunal a mangtengngel ken imbestigaren ti kaso na.
Iti panagdengngeg ti tribunal, binasa ni International Criminal Court Judge Luz del Carmen Ibañez Carranza ati nagbalin a pangngeddeng ti tribunal no sadinno nga inbasura ti mayorya dagiti mahistrado ti amin nga uppat a grounds of appeal nga inpila ti kampo ti dati a presidente.
Basar iti korte, gapu ta naibasura ti pakabuklan nga apela. maibilang metten a moot wenno awanen ti bisa na ti kiddaw ti depensa a wayawayaan ti dati a presidente manipod iti sangsangwen na a kaso.
Maiyataday iti Article 82(1)(a) ng ICC Statute, kinumpirmaran ti mayorya ti Appeals Chamber tiimmuna a desisyon ti korte kontra iti dati a presidente a mangipalubos iti pannagna ti proseso.
