LAOAG CITY – Kinumpirmaran ni Police Chief Inspector Joseph Baltazar, ti chief of police iti ili a Pasuquin nga inpadalan dan ti paraffin examination ti asawa ni Mary Anne Valenzuela.
Ni Mary Anne ket maysa kadagiti biktima ti napasamak a pammaltog iti paset ti Barangay Naglicuan ti nasao nga ili a nakatayan ni Rolando Salvador.
Inbatad ni Baltazar, ti asawa ni Mary Anne a ni
Robert Valenzuela, agtawen ti 50, tricycle driver ti maysa a suspek da ti napasamak a pammaltog.
Segun ti opisyal, dua nga anggulo ti kitkitaen da iti napasamak a krimen, daytoy ket ti dati a riri ken love.
Mainaig ti daytoy, kiniddaw pay dagiti otoridad ti pannakaipadalan iti cross matching examination dagiti naala nga ebidensya it nakapasamakan ti pammaltog.
Iti agdama, agtultuloy nga agpapaimbag ni Mary Anne iti Mariano Marcos Memorial Hospital and Medical Center iti ciudad ti Batac.
