LAOAG CITY – Inbatad ti aktres a ni Lovi Poe nga awan ti agbalin a problema no agaramid latta ti daring scenes kadagiti ar-aramiden na a pelikula.
Inlawlawag na a simrek laeng iti sabali nga estado ti panagbiag babaen ti pannakikallaysa na iti asawa na a ni Monty Blencowe, ngem no maipapan iti trabaho na kas artista ket awan ti nagbaliw.
Inpaganetget na nga itultuloy na latta dagiti datin nga ar-aramiden na ken awan ti ituytuyang na a limitasyon.
Inkalintegan ni Lovi a sakbay pay a nagasawa da ken ni Monty ket kastoyen ti trabaho na ken inaawat amin daytoy ti asawan na.
Immunan nga inpanakkel ni Lovi ti asawa na gapu iti naan-anay a suporta nga ipapaay na kenkuanan kangrunaan na ti maipapan ti trabaho na kas artista.
Kabayatanna, inpasigurado ni Lovi a no dumteng ti panawen a kayaten ti asawan na a maaddaan da ti baby ket awaten na daytoy a naimpapusoan.
