LAOAG CITY – Mamati ni Lt. Col. Emmanuel Garcia, commander ti 4th Civil Relation Group iti WestMinCom a bassiten dagiti nabati a terorista iti agtultuloy a rinnupak idiay Marawi City.
Kuna na a saanen a kas idi rimsua ti gubat nga adu dagiti nakipinpinnutok idinto nga iti agdama ket bassiten dagiti terorista a sumangsungbat iti putok.
Segun kenni Garcia, idi naminsan a rabii ket rimsua ti nakaru a pinnutok iti nagbaetan ti soldado ken terorista a nagpaot ti agarup 30 a mintos.
Nupay kasta, namnamaen na a maibusen dagiti terorista ket sumuko dan iti gobyerno.
Innayon ni Garcia a saan ng agsardeng ti puersa ti gobyerno a dalusan ti Marawi ken tapno makasublin dagiti residente.
