LAOAG CITY – Mangiwaywayat ti evacuation dagiti medic para iti dua a pasahero a makapaspasar ti sintomas ti hantavirus kalpasan ti mapagat-atapan nga outbreak iti maysa a luxury cruise ship a manarimaan nga agtaltalinaed iti kabaybayan ti West Africa.
Mapatta-patta nga adda ti 150 nga indibidual pay ti nagtalinaed iti nasao a nabalor a cruise kalpasan a natay ti tallo a pasahero a maysa nga agasawa a Dutch ken maysa a German national idinto a dagiti dadduma ket nagsakit pakairamanan ti maysa a Briton a naitaray iti South Africa tapno maagasan.
Ti hantavirus ket naidumduma a sakit a mabalin a mangitunda ti nakaro a respiratory illness ken maiyakar iti babaen ti angin a kontaminado manipud iti isbo wenno rugit ti bao ken saan met nga alisto a maiyakar manipud iti maysa a tao iti pada a tao.
Basar iti World Health Organization, nababa ti risgo daytoy iti nalawlawa a publiko ken saan a kasapulan ti travel restrictions.
Nupay kasta, kas panagan-annad, saan a pinalubosan ti Cape Verde nga agsanglad ti Dutch-flagged nga MV Hondius.
