LAOAG CITY – Inpatungpal ti Land Transportation Franchising and Regulatory Board (LTFRB) ti baro a pagalagadan ti agingga ₱60 a booking wenno platform fee para kadagiti taxi nga agususar ti online booking platforms.
Iti babaen ti Memorandum Circular 2026-055, ti booking fee ket agingga 20% a naaprobaran wenno ₱60. Saan pay a mabalin ti kanayonan a booking, convenience, service wenno platfrom fee nga awan ti pammalubos ti Land Transportation Franchising and Regulatory Board (LTFRB).
Nabilin pay dagiti taxi operators ti nalawag a panangipakita ti bayad sakbay a kumpirmaran ti booking.
Segun ti Land Transportation Franchising and Regulatory Board (LTFRB) naipatungpal ti baro a a pagalagadan kalpasan a makawat ti reklamo mainaig iti saan nga agpapada ken saan nga otorisado a panagsingir i kanayonan a bayad kadagiti online taxi.
