LAOAG CITY – Nairekord ti maika-35 a kaso ti covid-19 dityoy probinsya.
Ni IN-C35 ket agtawen ti 65 a lalaki, maysa nga Authorized Persons Outside Residence (APOR), aggapo idiay Navotas City ken taga Barangay Dariwdiw iti ciudad ti Batac.
Mainaig iti daytoy, inbaga ni Barangay Chairman Rey Ventura iti Barangay Dariwdiw iti ciudad ti Batac a nabayagen a saan a nagaw-awid iti barangay da ni IN-C35.
Kuna na a nagawid laeng tapno umay agpaagas iti sakit na a parkingson disease gapu ta isu ti ayan ti doktor na.
Inpakaammo pay ti kapitan a nasukon ti pasyente iti border ken inderetso da iti Mariano Marcos Memorial Hospital and Medical Center iti ciudad ti Batac.
