LAOAG CITY – Manamnaman ti pannakairugi ti maikadwa a viaduct iti ili ti Pagudpud.
Segun kenni Ilocos Norte 1st District Rep. Sandro Marcos, maiyuswat ti bidding iti maudi a lawas ita a bolan ken marugyanan daytoy intono Hunyo.
Innayonna a ti umuna a tawen ket 300 a milyon a pisos ti nakailatang a pondo gapu ta daytoy ket maibilang a multi- year project.
Inpakaammo ti kongresista a manamnama a malpas ti proyekto iti uneg ti uppat a tawen ken daytoy ti ibilang na a maysa kadagiti kadakkelan a proyekto na iti umuna a termino na.
Mainaig kadaytoy, gagem ni congressman Marcos nga amin nga inkari na kadagiti tattao idi panawen ti kampanya ket maipatungpal na.
Maipalagip a ti 2nd viaduct ket isu ti solusyon iti problema iti paset ti Brgy. Pancian iti ili ti Pagudpud Kanayon nga aglandslide a mangperperwisyo kadagiti residente.
