LAOAG CITY – Inbatad ni Police Chief Inspector Joseph Calderon, chief of police ti PNP-Dingras a maisagsaganan ti kaso kontra iti suspek iti panagtatakaw idiay Barangay Cali iti nasao nga ili.
Nabigbig ti suspek a ni Michelle Basco y Tabios, addaan ti umno a tawen, addaan ti live-in partner ken ti biktima na ket ni Elsie Rosqueta y Fernandez, retiredo a kameng ti PNP, agpada a residente iti nasao a lugar
Inbatad na a nagkamang ni Rosqueta iti PNP kalpasan a napukaw ti 650 a dolyar ken 15,700 a pisos a kwarta na ken maipagarop nga intaray ni Basco.
Immuna iti daytoy, idi naduktalan na ket kinomprontar na dagiti dua a katulong na ken ditoy nga inadmitir ni Basco nga innala na ti dolyar ken insukat na iti money changer iti Mall iti ili ti San Nicolas idi Pebrero 18, 2019.
Naamoan nga inbayad ni Basco ti kwarta iti nakautangan na nga agnagan ti Edelyn Juan, a taga Barangay Lydia iti ili ti Marcos.
