LAOAG CITY – Naiget a kinondenar ti Makabayan Bloc iti Kongreso ti resolusion ti Senado nga agpanpanawagan iti International Criminal Court (ICC) a maipan iti house arrest ni dati a Presidente Rodrigo Duterte.
Basar iti grupo, saan daytoy a nainkalintegan nga addang no diket maysa a pananggandat a kaluban dagiti krimen ni Duterte mainaig iti rinibu nga extra-judicial killings iti babaen ti war on drugs.
Inawagan ni Rep. Antonio Tinio ti resolusion kas panangallilaw iti hustisia idinto nga inpetteng ni Rep. Renee Louise Co a daytoy ket “political maneuver” tapno protektaran ni Duterte ken dagiti kaalyadona.
Kuna ni Rep. Sarah Elago a daytoy ket maysa nga insulto kadagiti pamilia a napukawan ti ay-ayatenda iti biag.
Binabalawda ti pannakipagpaset ni Senador Ronald “Bato” dela Rosa iti resolusion a dinakamat ti International Criminal Court a posible a kakunsabo kadagiti krimen.
Nagpanawagan ti Makabayan Bloc iti International Criminal Court nga ituloy ti kaso kontra ken ni Duterte ken inpettengna a ti house arrest ket insulto kadagiti biktima ti panangpapatay.
