LAOAG CITY – Nangipeksa ti panagamak ti Makabayan bloc iti desision ni Senate President Chiz Escudero a mabalbaliwan ti panangrugi ti impeachment proceedings ken ni Vice President Sara Duterte.
Inbatad ni House Deputy Minority Leader France Castro a ti pannakaitantanna ket mabalin a mangitunda ti naan-anay a pannaka-dismiss ti impeachment case.
Kuna ni Castro, kada delay ti panangrugi ti impeachment ket makaitunda ti panagdanag no masurot kadi ti commitment ti Senado a pagsungbaten ti Bise Presidente.
Inlawlawagna a ti kada aldaw a pannakaitantan iti impeachment trial ket mangdegdeg ti panagamak a mabalin a maiyur-urnosen ti pannakaibasura iti kaso.
Kunana a saan daytoy a nainkalintegan para kadagiti umili nga agbirbiruk ti hustisia ken kinapudno.
Manipud iti dati nga iskedyul nha Hunio 2, inkeddeng ni Escudero inton Hunio 11 ti panangtingiting ti House Proseution panel ti Articles of Impeachment.
Daytoy ket tapno maikkan ti gundaway dagiti trabaho ti Kongreso kalpasan ti naisayangkat a taripnong ti Legislative Executive Development Advisory Council.
