LAOAG CITY – Kinumpirmaran ti Malacañang nga adda maangay a virtual trilateral Phone Call meeting da Presidente Ferdinand Marcos Jr., outgoing United States President Joe Biden ken Japan Prime Minister Ishiba Shigeru.
Segun kenni Presidential Communications Office Secretary Cesar Chavez, manamnama a maangay ti nasao a phone call meeting inton Domingo Enero 12, 2025.
Awan met ti impormasyon ni Secretary Chavez no ania dagiti mabalin a pagsaritaan dagiti tallo a lider.
No pay kasta, mangnamnama ni Chavez a pagsasaritaan dagiti tallo a lider ti pannakapapigsa ti trilateral partnership ken ti addang tapno masiguro ti seguridad ti Indo-Pacific.
Maipalagip nga immunan nga adda naangay a trilateral summit idi napan a tawen idiay Washington DC no sadinno a napagsasaritaan dagiti tallo a lider dagiti nagduduma nga isyu a pakairamanan ti panagtitinnulong no maipapan iti seguridad, panagdur-as ti imprastruktura ken regional economic resilience.
Basar iti report manipud iti White House iti America, idauluan ni outgoing US President Biden ti meeting.
