LAOAG CITY – Saanen a kayat a patulan ti Malakanyang dagiti pasagid dagiti kritiko ti gobierno nga agturongen iti impierno ti pagilian kalpasan a pinagsubmitir ti courtesy resignation ni Presidente Ferdinand Marcos Jr. dagiti miembro ti Gabinete daytoy.
Daytoy ket kalpasan nga inbatad da Atty. Vic Rodriguez ken Atty. Harry Roque a maipagarup a ti Presidente ti problema ken saan a dagiti gabinetena isu nga ag-resign laengen daytoy ken ipabus-oy ti puesto ken ni Vice President Sara Duterte.
Inlawlawag met ni Palace Press Officer Atty. Claire Castro a ti kapada ni Rodriguez ket inyarig ni Executive Secretary Lucas Bersamin iti maysa nga aso nga iti rabii laeng nga agringringgor ken saanen nasken a patulan pay.
Kuna ni Castro, self serving ti rakurak ni Roque gapu ta no nag-resign ti Presidente ken agtugaw ni Vice President Sara ket amin a kaso daytoy ket maawan.
