LAOAG CITY – Nagsagaba ti sugat iti nagduduma a paset ti bagina ti maysa a mangisursuro kalpasan a nadesgrasya iti paset ti Barangay Suyo, Dingras, Ilocos Norte.
Nabigbig ti biktima a ni Mr. Roberto Natividad, agtawen ti 34, baro, mangisursuro ken residente iti Barangay Sta, Catalina iti ili ti Pasuquin.
Segun ti report, kabayatan ti panagpapalaud a direksyon ti mangisursuro a nakalugan ti motorsiklo ket nasapgud na ti maysa a Grade 10 a dimmalyasat iti kalsada.
Gapu iti daytoy, natulid ti mangisursuro a nagsagabaan na ti sugat iti nagduduma a paset ti bagina idinto a ti menor de edad ket angalen na a nasakit ti buksit ken akin-kannigid nga ima na.
Nakarwar met laeng a dagus iti ospital dagiti maseknan kalpasan ti pannakataming da.
