LAOAG CITY – Balligi a naarestar ti maysa a mannalon gapu iti kasona nga attempted murder iti siudad ti Batac.
Segun ken ni Police Lieutenant Colonel Adrian Gayuchan, ti Hepe iti Philippine National Police iti nasao a siudad, ti akusado ket agtawen ti 41, naasawaan ken residente iti Brgy. 31, Camandingan iti siudad ti Batac.
Inbatadna a natiliw ti suspek babaen iti inparuk-at a warrant of arrest ni Judge Maria Corazon Labrador iti Regional Trial Court Branch 18 iti siudad ti Batac.
Inlawlawagna a nairekomendar iti suspek ti 120 ribu a pisos para iti temporario a pannakawayawayana.
Kunana nga iti agdama ket adda pay laeng iti kustodiar iti kuerpo ti pulisia iti siudad ti Batac kabayatan a maiyur-uray ti commitment order daytoy a maipisok iti Bureau of Jail Management and Penology iti nasao a siudad.
