LAOAG CITY – Kakaasi dagiti mannalon gapo iti kinalaka ti presyo ti irik ken nangina dagiti mausar a pagtalon.
Daytoy ti inbatad ni Kag. Julmar Agnir iti Barangay 17 iti ili ti Sarrat ken maysa nga aggatgatang ti irik.
Segun kenni Agnir, dandani saanen a kayat dagiti mannalon ti agilako ti irik gapo iti kinababa ti presyo na ngem gapo ta kasapulan da ti kwarta ket mapilitan da nga agilako.
Inbatad na a kas maysa a mannalon ket dakkel ti epekto na ti kinababa unay ti presyo ti irik gapo ta saan da a maabrot rason a saan da met a maparwar dagiti nagastos da.
Patyen ni Agnir a maysa ti Rice Tarrification Law kadagiti rason ti mapaspasar da iti agdama.
Kunana nga iti agdama ket 14 a pisos ti panaggatang da iti kada kilo ti irik.
