LAOAG CITY – Ginutigot ti Provincial Veterinary Office iti Negros Oriental ti publiko a saan a kanen dagiti manok a naapektaran ti fowl cholera a masansan a maaw-awagan kas “dungoy” iti dayalekto iti baet a saan daytoy a maiyakar iti tao.
Segun ken ni Jaymar Vilos, Provincial Veterinary Office Information Officer-designate, iti maysa a report ti fowl cholera wenno “dungoy” ket naipadamag iti Pamplona iti umuna a paset ti bulan.
Inbatadna a rumrummuar iti inisyal a report manipod iti Local Agriculture Office a pito a mannalon iti nasao nga ili ti napukawan ti pakabuklan a 94 a manok a naapektaran ti “dungoy” iti Barangay Poblacion Pamplona.
Ti nasao a sakit ket saan a maiyakar iti maysa a tao ngem nasaysayaat nga ibelleng dagiti naapektaran a manok gapu ta mabalin a makaapektar iti dadduma pay a manok.
Nagpanawagan daytoy kadagiti mannalon nga i-report dagiti sintomas dagiti manokda tapno maiyuswat ti panagbakuna kas preventive measure para kadagiti dadduma pay a manok kadagiti kaparanget a lugar.
Kabayatanna, nagtalinaed nga awan avian influenza ti Negros Oriental.
