LAOAG CITY – Adda nakita nga agtatapaw a mapappapati a shabu iti paset ti Barangay Bobon iti ili ti Burgos.
Basar iti inisyal nga imbestigasyon ti Philippine National Police iti ili ti Burgos, ti mapappati a shabu ket nakita ti maysa a mangalap iti kabaybayan a paset ti nasao nga ili.
Segun ken ni P/Cpt. Jenny Lingan hepe iti Philippine National Police iti ili ti Burgos, apaman a nakaawatda ti report seknan iti daytoy ket dagus da a nagturong iti lugar a nakasarakan kadwa da dagiti kameng ti Philippine Drug Enforcement Agency (PDEA).
Iti met palawag ti mangalap, inbatadna nga adda panagamak na nga agawid apaman a nakita na ti mapappapati a shabu gapu ta mannarimaan pay laeng ti panagkalap dagiti kakadwa na a nagturong iti baybay.
Ti mapappapati a shabu ket addaan iti Chinese markings, light blue ti packaging na, ken nabungon daytoy iti transparent plastic.
Inbatad ni Lingan a saanda pay a linukatan ti kontrabando no sadinno nga inkabil da daytoy iti crime lab para iti naan-anay nga inventory.
Kabayatanna, kitkitaen met dagiti kameng ti pulisya ti posibilidad no adda pakainaigan na daytoy kadagiti imun-unan a nabirukan iti probinsya ti Ilocos Sur.
