LAOAG CITY – Inbatad ni Mr. Gerry Fermin iti City Disaster Risk Reduction Office ditoy ciudad ti Laoag nga umabot iti 42 a tattao dagiti agbirbirok iti mapukpukaw a mangalap a ni John Mike Ranada, agtawen ti 34, residente iti Metro Gabu ditoy ciudad ti Laoag.
Segun kenni Fermin, dagitoy ket manipud iti Phil. Coast Guard, Maritime, Phil. National Police, Bureau of Fire Protection ken City Disaster Risk Reduction Office.
Inlawlawag na nga adda pay ti kiniddaw dan nga helicopter manipud iti Phil. Air Force tapno katulungan da nga agbirok iti nasao a mangalap.
Kunana nga iti laksid a nalablabasen ngem 24 nga agbirbirok da ket mangnamnama da latta a sibibiag a mabirukan da ni Ranada.
Kabayatanna, inbatad ni Barangay Chairman Rodel Legazpi a basar kadagiti dadduma nga agbirbirok ket awan ti nakita da a senyales no sadinno ti nakadanon ni Ranada.
