LAOAG CITY – Nagpila ni Senador Robinhood Padilla ti gakat tapno mangestablisar ti recognition program para kadagiti elected ken appointed public officials a boluntaryo a dumalan ti drug testing.
Ti Senate Bill No. 2541, wenno ti nailungalong a “Gawad Integridad Kontra Droga Recognition Act,” ket gagem na a ma-institutionalize ti pammadayaw iti babaen ti Civil Service Commission (CSC).
Inlawlawag ni Padilla a ti recognition ket gagem na a makagutigot ti voluntary compliance ken demonstrasyon a ti pagsungsungbatan ti publiko ket mangrugi sakbay pay a maipatungpal ti legal obligation.
Inaramid ni Padilla ti nagpila iti gakat sumagmamano nga aldaw kalpasan nga inpost ti senador iti facebook ti kopya ti negatibo a drug test result kenn ginutigot na dagiti kakadwa na a dumalan da met iti drug testing.
