LAOAG CITY – Inbatad ni Senate President Sherwin Gatchalian a mabalin pay laeng a makipagpaset ni Senador Rodante Marcoleta iti impeachment trial ni Vice President Sara Duterte inton Lunes, Hulio 6.
Inlawlawag ni Gatchalian a maysa pay laeng a miembro ni Senador Marcoleta kadagiti agpanpanday linteg gapo ta awan pay ti pinal a desision ti Sandiganbayan a mangiplada ti arrest warrant kontra ken ni Marcoleta mainaig iti kaso a sangsangoenna a plunder nga inpila ti Ombudsman.
Inpetteng ti Senate President a saanda a mabalin nga i-preempt wenno unaan ti agbalin a desision ti Sandiganbayan kas maysa a korte.
Inpetteng pay ni Gatchalian nga adda pay gundaway ni Marcoleta a mangirakurak ti depensana iti korte sakbayda a mangiwayat ti desision kas paset ti judicial process.
Maipalagip nga idi Biernes Hulio 3, ket pormal nga inpila ti Ombudsman ti kaso a plunder kontra ken ni Marcoleta ken kadagiti tallo pay nga indibidual a maipagarup adda pakainaiganda iti P75 million a saan nga indeklarar daytoy ni Marcoleta a campaign donations iti 2025 senatorial campaignna.
