LAOAG CITY – Inbatad ti maysa a government witness iti Sandiganbayan iti maipagurup a kiniddaw ni Senador Rodante Marcoleta ti campaign funds manipud iti negosiante a ni Aristotle Viray, maysa kadagiti kaduana nga akusado iti kaso a plunder.
Basar iti Office of the Ombudsman field investigation Bureau a ni Viray mismo ti nangdakamat iti counter-affidavit-na a ni Marcoleta ti nagkiddaw ti gatad manipud kenkuana.
Kuna ti testigo a pakairamanan iti P75 million a saan a naideklerar ni Marcoleta a baknangna idi 2025 ti P20 million a mapapati a naggapu ken ni Viray.
Kabayatanna, saan a nilawagan ti testimonia no daytoy a gatad ket isu ti inkiddaw ti Senador.
Kuna pay ti Office of the Ombudman a dagiti co-accused a da Viray, Joseph Espiritu ken dati a congressman Mike Defensor ken nagturong iti maymaysa a notario public iti Pasig City tapno ipanotario ti deeds of donation-da idi Nobiembre 2025.
Inbutaktak ti testigo a ti imbestigasion ti team-da ken nagrekomendar ti panangipila ti plunder charges kontra kada Marcoleta, Defensor, Espitu ken Viray.
Nupay kasta, naglikudan dagiti akusado dagiti alegasion kontra kadakuada.
