LAOAG CITY – Umabot iti 4.5 milyon ti bilang ti estudiante kadagiti nagduduma a tukad ti nakalung-aw manipud iti panagbalin nga “struggling reader” wenno marigatan nga agbasa kalpasan ti School Year 2025-2026, basar iti resulta ti Comprehensive Rapid Literacy Assessment, Rapid Math Assessment ken Philippine Informal Reading Inventory.
Basar iti Department of Education, bimmaba daytoy ti 2.2-M manipud iti 6.7-M struggling readers idinto a ngimmato met ti 5.8-M manipud iti 3.3-M ti bilang ti “grade-level ready” readers.
Karaman iti nairekord nga improvement ket ti panagkissay met ti bilang dagiti estudiante nga adda iti “not or low proficient” level iti benneg ti mathematics kasta pay ti panagbaba ti “emerging learners” iti amin a grade level.
Inbatad ni Department of Education Secretary Sonny Angara a dakkel a tulong dagiti targeted intervention iti literacy ken numeracy iti nasao a panagdur-as a paset ti gagem ti gobierno tapno maipangato ti kalidad ti edukasion iti pagilian.
Nupay kasta, masapul latta a sukatan dagiti remediation program ti de kalidad a panangisuro iti uneg ti classroom ken dagiti reporma iti sistema tapno mapagtalinaed ti naurnos ken de kalidad nga edukasion iti pagilian.
