LAOAG CITY – Dinadael dagiti otoridad ti marijuana plants nga agbalor ti 3.6 a milyon a pisos idiay Benguet.
Ti nasao a marijuana eradication operation ket inwayat ti Philippine Drug Enforcement Agency – Regional Office I – Ilocos Norte Provincial Office, PDEA Cordillera Administrative Region – Benguet Provincial Office ken Kibungan Police Station.
Naduktalan dagiti otoridad ti tallo a marijuana plantation sites nga adda ti kalawana a 2,500 square meters iti Barangay Badeo, Kibungan, Benguet.
Mainaig iti daytoy, inbatad ni PDEA RO I Regional Director, Director III Joel B Plaza, ginabot ken dinadael ti grupo ti 18,200 a pedaso ti fully grown marijuana plants nga agbalor ti P3,640,000.00.
Naammoan a ti marijuana plants a dinadael dagiti otoridad ket pinuoranda iti nasao a lugar kalpasan ti naiwayat nga operasion.
