LAOAG CITY – Nagsaritan ti aktres a ni Maris Racal maipanggep kadagiti pammabasol nga adda ti pakainaigan iti panagsina ti onscreen partner-na a ni Anthony Jennings ken ti longtime girlfriend-na a ni Jam Villanueva.
Arig saanen a kinabaelan ti Kapamilya actress a ni Maris ti agsumbangir a bashing kenkuana isu a nag-deactivate daytoy iti Facebook page.
Naruay kadagiti netizens ti nakaripar a saan a masarakan iti Facebook ti account ti balasang kalpasan ti inruar nga screenshots ni Jam, ti ex-girlfriend ti ka-love team-na a ni Anthony.
Basar kadagitoy, no i-search ti nagan ni Maris iti nasao nga online platform ket saanen nga agpakita pay.
Posible a kalikagum ti aktres nga aginana manipud kadagiti saan nga agkakapintas a komento nga ibagbaga dagiti netizens kenkuana isu a napanunotanna a liklikan pay laeng ti ag-online.
