LAOAG CITY – Naipasa iti Senado ti Thailand ti maudi a pannakaibasa ti marriage equality law no sadinno daytoy ti umuna a pagilian iti Southeast Asia a mangbigbig kadagiti “same-sex couples”.
Kasaruno ti nasurok dua a dekada a panagregget manipud kadagiti aktibista ken politiko.
Mainaiag iti daytoy, babaen iti suporta manipod kadgiti agpanpanday-linteg iti upper house, sumaruno met a kasapulan nga ummanamong wenno aprobaran daytoy ti prime minister.
Segun kadagiti LGBT advocates, ti addang a napasamak ket aw-awaganda a “monumental step forward” gapu ta ti Thailand ti ummuna a nasion iti Southeast Asia a mangipatungpal ti marriage equality legislation ken ti maikatlo a teritorio iti Asya, kalpasan ti Nepal ken Taiwan.
Gapu iti pannakaipasa ti nasao a linteg, nirambakan dagiti mammanday-linteg ken aktibista iti Thailand parliament no sadinno nga imbanderada dagiti “rainbow flags”.
Kabayatanna, ti Thailand ket maysa kadagiti nalatak a pagilian iti Asia ken mabigbigbig iti kultura ti LGBT.
