LAOAG CITY – Nangiyuswat ti Schools Division of Ilocos Norte ken Mariano Marcos State University ti Research Training para kadagiti Masters Teachers.
Segun ken ni Dr. Joann Corpuz, Schools Division Superintendent ti Ilocos Norte, ti highlights ti naiyuswat a training ket pakaseknan ti crafting ti research proposals a makatulong iti policy formulation ken rekomendasion, ken makatulong pay iti panangisuro ti 21st century skills.
Inbatadna a ti nagbalin nga Speakers iti nasao a training ket dagiti Regional BERF grantees manipod iti SDOIN ken dagiti Professors manipod iti MMSU nga indauloan ti dekano ti College of Teacher Education a ni Dr. Eliza Samson.
Mangnamnama ni Dr. Samson a mapatibker ti panagtitimpuyog iti nagbaetan ti SDOIN ken MMSU, saan laeng nga iti panagsukisok ngem uray iti dadduma nga aspeto ti kurikulum.
Naammoan a ti makaidua ken maikatlo a bansada ti nasao a training ket maisayangkat ita nga aldaw, Pebrero 3 agingga intono Pebrero 13.
