LAOAG CITY – Manaynayunan dagiti matiltiliwan a walang nga aso ken pusa ti Laoag City Veterinary Office.
Daytoy ti inpakaammo ni Dr. Samantha Licudine, ti City Veterinarian.
Kunana nga iti agdama ket addan ti 17 a walang nga aso ken 17 a walang a pusa ti adda iti animal pound iti ciudad.
Segun ken Licudine, umad-adu dagiti matiltiliwan dagitoy ken saan a makiskissayan gapu ta ti kaykayat ti kaaduan a taraknen ket dagiti uken, ken addaan iti breed.
Nupay kasta, inpasingked na a makaanay pay laeng ti pondo ti Laoag City Veterinary Office nu pay isuda iti mangtartaraken kada mangpakpakan kadagitoy.
Innayon ti City Veterinarian a problema da ita ket agpapanateng dagiti taraken nga agdama nga adda iti animal pound.
Mainaig iti daytoy, nagpanagawan ni Licudine nga ugalien ti publiko — kangrunaan dagiti agtartaraken ti responsible pet ownership, babaen iti saan a panangipalubos kadagitoy a nakawarang kadagiti kalsada.
