LAOAG CITY – Inpasingked ni Mayor James Bryan Alcid a naiget a mamonitor ti baro nga slaughterhouse ditoy siudad ti Laoag.
Segun kenkuana, daytoy ket tapno al-alisto ti panagparti dagiti butcher kadagiti dingwen.
Inbatadna a kinabaelan dagiti butcher a makaparti ti agarup 80 a dingwen iti uneg ti uppat nga oras manipud iti innem agingga iti pito nga oras babaen ti naiwayat a dry run.
Inlawlawagna nga awan met ti panagbaliw ti presio dagiti karne gapu iti pannakalukaten ti baro nga slaughterhouse.
Inpettengna nga agbalin nga environmental friendly ti slaughterhouse ken maipasigurado ti kinadalusna iti aglawlaw.
Innayonna a manamnama nga addanto pay dagiti baka a maparti iti masangoanan.
