LAOAG CITY – Paimbestigar ni Mayor James Bryan Alcid ditoy ciudad ti Laoag no ti tricycle ket nagcomply iti ordinansa nga adda ti safety barrier na kalpasan ti pannakatnag ti maysa a babai a backride a nakaituparan ti ulo na.
Segun kenni Alcid, daytoy ket tapno makita no adda ti safety barrier na, foot rest ken pagkaptan ti pasahero.
Inbatad na nga iti ordinansa, awan ti deadline na no diket opsyon dagiti traysikelan no sumurot da tapno makailugan da ti backride gapo ta no saan da a mangipan ti safety barrier ket saan da a rumbeng nga agilugan iti likodan ti tricycle.
Inlawlawag na nga adda ti nakisarita kenkuana kas maysa kadagiti author iti ordinansa a no mabalin ket maamendaran daytoy, ngem kunana a nailanad met nga anyaman a safety barrier ke mabalin kas iti tap box.
Iti agdama ket adda met iti nasayaat a kasasaad ti babai a natnag manipud iti tricycle.
Maipalagip nga inpakaammo ni Konsehal JB Baquiran, chairman ti Committee on Transportation, a mangiwayat da ti public consultation mainaig iti napasamak.
Inlawlawag ni Baquiran a kaadoan kadagiti tricycle driver ket kalikagom da a tap box ti maipan iti likud ti tricycle tapno makaplastar a naimbag dagiti backride ken mabalin pay nga agserbi kas arm rest no ikompara iti tubo laeng gapu ta nagalis daytoy.
