LAOAG CITY – Inbatad ni Mayor Michael Marcos-Keon ditoy ciudad ti Laoag a saan na paylaeng a kayat a sangwen dagiti isyu ditoy ciudad ita a paskua.
Segun kenkuana, kayatna a naragsak ken natalna ti panangselebrar ti paskua.
Inlawlawag na a kayat na pay laeng nga iwalin ti panangbabalaw dagiti dadduma a tattao iti Laoag City Hall gapu iti nagduduma nga isyu.
Mainaig iti daytoy, inadmitir na nga adda ti maysa a dati a department head iti gobierno lokal ditoy ciudad a sipud nagtugaw kas mayor ket nagbalinen a problema na gapu kadagiti nakaad-ado nga anomalya iti uneg ti indaulwan na nga opisina.
Nupay kasta, inpasingked na nga iti umay a tawen ket addan ton ti pagdur-asan dagiti isaysayangkat da nga imbestigasyon mainaig kadagitoy nga anomalya.
