LAOAG CITY – Sangosango nga intudo dagiti natiliw a suspek a ni Marcos Mayor Jessie Ermitanio ti mastermind iti pannakatay ni dati a Mayor Arsenio Agustin iti nasao nga ili.
Kuna ni Bernie Lazo alias Alex Vergara, maysa kadagiti suspek a kinotrata ida ni Ermitanio iti gatad a 150 a ribo a pisos tapno papatayen da ni Agustin.
Malaksid ken ni Lazo, dagiti dua pay a naisango ken Ermitanio ket da Argie de la paz alias Ardy a taga Bgy. Abucay, Abra ken ni Joseph Datu alias espanyol a taga Burgos Ilocos Sur.
Inpasango ni PNP Prov’l Dir. P/Sr.Supt. Melencio Nartatez kadagiti kameng ti media dagiti natiliw a suspek karaman ni Mayor Ermitanio kalpasan a natiliw iti naimballigian a search operation.
Naglikodan ni Mayor Ermitanio ti alegasyon a daytoy ti mastermind iti pannakatay ni dati a Mayor Agustin.
